Paggunita kay Santa Margarita Maria Alacoque, Dalaga | Oktubre 16
KN Marcelo | OLA Social Communications

Higit na nakilala ang santong ito dahil sa ilang beses na pangitain ni Hesus sa kanya. Ipinakita ni Hesus ang Kanyang puso kay Santa Margarita Maria Alacoque. Ito ay nag-aalab tanda ng matinding pagmamahal para sa sanlibutan ngunit sugatan dahil sa pagkakasala.

Tuwing ika-16 ng Oktubre ay ginugunita ng Simbahan ang kabanalan ni Santa Margarita Maria Alacoque. Siya ay ipinanganak noong Hulyo 22, 1647 sa bansang France at kalaunan ay pumasok sa Order of the Visitation of Holy Mary bilang isang mongha. Higit na nakilala ang santong ito dahil sa ilang beses na pangitain ni Hesus sa kanya. Ipinakita ni Hesus ang Kanyang puso kay Santa Margarita Maria Alacoque. Ito ay nag-aalab tanda ng matinding pagmamahal para sa sanlibutan ngunit sugatan dahil sa pagkakasala. Iniutos din Niya na ipagdiwang ang kapistahan ng Kamahal-mahalang Puso. Bagamat nakaranas si Santa Margarita Maria Alacoque ng pang-uusig at mga panghuhusga dahil sa pagpapakitang ito ni Hesus, siya ay nanatili pa ring tapat na tagasunod nito.


Tulad ni Santa Margarita Maria Alacoque, tayo rin ay inaanyayahang sumampalataya sa Kamahal-mahalang Puso ni Hesus. Sa ating paglapit sa Kanya, maaari tayong hamakin ng ibang tao. Kung minsan ay pinagtatawanan tayo dahil sa ating pagsunod sa kalooban ng Diyos o paninindigan para sa katotohanan. Ngunit huwag tayong magsawa sapagkat may mabuting gantimpala si Hesus sa mga taong tapat na sumusunod sa Kanya. Pangako ni Hesus na ipagkakaloob Niya ang mga kinakailangang grasya sa mga taong sumasampalataya sa Kanya. Hilingin natin ang panalangin ni Santa Margarita Maria Alacoque upang matularan natin siya.


Santa Margarita Maria Alacoque, ipanalangin mo kami.

Paggunita kay San Blas, Obispo at Martir | Pebrero 3

By KN Marcelo | OLA Social Communications • February 5, 2025
Gaya ni San Blas, huwag nawa tayong mag-alinlangang ipagtanggol ang ating pananampalataya. Huwag tayong matakot sa pangungutya o pag-uusig.

“PAG-AALAY SA DIYOS” | Kapistahan ng Pagdadala kay Hesus na Panginoon sa Templo

By Marga de Jesus | OLA Social Communications • February 5, 2025
Kapag binigay natin nang buo ang sarili at buhay sa Diyos upang ang plano Niya ang masunod, magkakaroon tayo ng kasiyahan, kapanatagan ng loob at kapayapaan na hindi natin matatagpuan makuha man natin ang lahat ng yaman sa mundo.

ANG KARUNUNGAN NI SANTO TOMAS DE AQUINO | Enero 28

By Chris Alphonsus J. Terence | OLA Social Communications • January 28, 2025
Makikita ang karunungan sa ating buhay kung ginagamit natin lahat ng ating kakayahan at kaalaman para sa papuri sa Panginoon at upang tulungan ang iba na mapalapit sa Kanya.

PAGGUNITA KAY SAN FRANCISCO DE SALES | Enero 24

By Marga de Jesus | OLA Social Communications • January 24, 2025
Si San Francisco ng Sales ay isang obispo at pantas ng Simbahan. Siya ay kilala bilang “the gentleman saint”.

ANG PANININDIGAN NI SAN SEBASTIAN | Enero 20

By Chris Alphonsus J. Terence | OLA Social Communications • January 20, 2025
Maaaring hindi natin nararanasan ang pagdurusa na naramdaman ng santo na ating ginugunita ngayon, ngunit tayo ba ay patuloy na naninindigan sa ating pananampalataya?

“PAGIGING ANAK NG DIYOS” | Kapistahan ng Panginoong Hesus, Ang Banal na Sanggol

By Marga de Jesus | OLA Social Communications • January 19, 2025
Malapit sa puso ng mga Pilipino ang debosyon sa Señor Sto. Niño. Sa wikang Ingles, ang ibig sabihin nito ay “Holy Child”. Ang “Holy Child” na ito ay walang iba kundi si Hesus.

ANG DEDIKASYON NI SAN ANTONIO | Enero 17

By Chris Alphonsus J. Terence | OLA Social Communications • January 17, 2025
Isa sa kanyang sikreto sa kabanalan ay ang pagdarasal sa Diyos sa maraming beses sa isang araw, lalo na oras ng temptasyon mula kay Satanas.

PAGGUNITA KAY SAN ARNOLD JANNSEN, PARI | Enero 15

By KN Marcelo | OLA Social Communications • January 15, 2025
Tuwing ika-15 ng Enero ay ginugunita ng Simbahan ang kabanalan ni San Arnold Jannsen. 

“PAGSISIMULA NI HESUS” | Kapistahan ng Pagbibinyag sa Panginoon (K)

By Marga de Jesus | OLA Social Communications • January 12, 2025
Ang pagbibinyag ni Juan Bautista kay Hesus ay hudyat ng simula ng pampublikong ministeryo ng ating Panginoon. Magsisimula na ang tatlong taon Niyang pamamalagi sa mundo upang magpagaling ng mga maysakit, magpalayas ng demonyo at mangaral ng Mabuting Balita.

KAPISTAHAN NG POONG JESUS NAZARENO | Enero 9

By KN Marcelo | OLA Social Communications • January 9, 2025
Nakikita ng mga tao ang kanilang paghihirap sa paghihirap ng Panginoon. Dahil sa Kanya, nararamdaman ng bawat deboto na mayroong Diyos na pwede nilang lapitan – Diyos na handang dumamay sa kanilang pinagdaraanan at nakaiintindi sa kanilang nararamdaman.
More Posts